Combo Candombe

Combo Candombe er ein musikalsk ekspedisjon inn i det djupaste av Latin-Amerika.

Under leiing av etnomusikolog Alejandro "vulkanen" Huidobro (Mexico) blir eit dansande publikum ført frå nuyoricansk salsa til cubansk son, bolero og cha-cha-cha, colombiansk cumbia og vallenato, meksikansk narcocorrido og uruguayansk candombe - med innlagde elleville utflukter til peruviansk lando og festicho. Det store spennet i stilartar bandet meistrar gjer kvar konsert til ei unik oppleving: Huidobro kan, med meksikansk fiestaekspertise, tilpassa programmet undervegs for å oppnå ei konstant eskalering av stemninga i salen. Candombe er ikkje berre ein afro-uruguayansk karnevalsmusikk, men òg uttrykket for å skildra ein vill fest.
 
Til Tromsø kjem Combo Candombe med Huidobro (akustisk gitar, vokal) og "orkanen" Hades Hernandez på timbales og vokal. På congas og vokal har bandet sjølvaste Luison Medina (La descarga, Mambo Compañeros). Desse blir supplert av Jon Trygve Olsen (sax), Petter Marius Gundersen (trompet), Inge Vadla (bass), Torbjørn Brandal (elektrisk gitar) og Sigmund Omvik (piano).

Sjekk bandet på heimesida www.combocandombe.com eller på Youtube!